Lugrezia romana in Costantinopoli, Venezia, Valvasense, 1737

Vignetta Frontespizio
 SCENA VII
 
 Giardino.
 
 MIRMICAINA, RUSCAMAR
 
 Mirmicaina
 Va’ via turco insolente,
 o porteme respetto
975o una sleppa te petto.
 Ruscamar
 Una sleppa de donna star onor
 che femena comparte.
 Mirmicaina
 Quando la xe cusì voi onorarte. (Gli dà un schiaffo)
 Ruscamar
 Ahi che onor maledetto!
 Mirmicaina
980Cos’è, la te despiase?
 Chi dasseno vuol ben tutto sopporta.
 Ruscamar
 Aver ragiuna, far quel che ti vol,
 mi tutto sopportar.
 Mirmicaina
 (Un po’ de spasso mi me voi cavar).
985Senti, se ti me vol per to muggier,
 convien farme un servizio.
 Ruscamar
                                                   Comandar,
 tutto per ti, caretta, voler far.
 Mirmicaina
 Voggio i to mustachi.
 Ruscamar
                                         Mia mustachia?
 Mirmicaina
 Sì caro i to mustachi.
 Ruscamar
                                         Voler dar.
990Presto forfe trovar, voler tagiar.
 Mirmicaina
 No no fermete caro,
 te li tagierò mi.
 Ruscamar
                               Con to manine?
 Mirmicaina
 Per ti gh’ho tanto amor, gh’ho tanto zelo
 che te i vogio cavar pelo per pelo.
 Ruscamar
995Ma sentir gran dolor.
 Mirmicaina
                                         Eh non importa.
 Ogni pelo ben mio che caverò,
 un suspiro de cuor te donerò.
 Ruscamar
 Son qua, de cuor suspira
 e mustachia cavar, mustachia tira.
 Mirmicaina
 
1000   Tiro.
 
 Ruscamar
 
                Oimè.
 
 Mirmicaina
 
                              Sospiro.
 
 Ruscamar
 
                                                Cara.
 
 Mirmicaina
 
 Tiro, tiro.
 
 Ruscamar
 
                     Oimè.
 
 Mirmicaina
 
                                   Sospiro.
 
 Ruscamar
 
 Lassa star de suspirar,
 no voler mi più tirar.
 
 Mirmicaina
 
    Donca va’, più no te voggio.
1005Ti xe un sporco, ti xe un orco.
 Va’ in malora via de qua.
 
 Ruscamar
 
    Tiò mustachia, tira tira.
 
 Mirmicaina
 
 Donca tiro.
 
 Ruscamar
 
                        Oimè; sospira.
 
 Mirmicaina
 
 Tiro, tiro.
 
 Ruscamar
 
                     Oimè; suspira.
 
 Mirmicaina
 
1010Suspirar no voggio più.
 
 Ruscamar
 
 Mi doler no poder più. (Partono)