Lugrezia romana in Costantinopoli, Venezia, Valvasense, 1737

Vignetta Frontespizio
 SCENA V
 
 MIRMICAINA sola
 
 Mirmicaina
 Va’ via tocco de sporco,
 adesso che mi son reggina in regno
 de sta zente incivil più no me degno.
 Ma come hoggio da far
180a trattar da reggina? Figuremose
 che vegna un cavalier e ch’el me diga:
 «Maestae me raccomando
 alla so cara grazia», mi bisogna
 che presto ghe responda:
185«La me commanda inte le congionture,
 patron sior cavalier,
 la reverisso infina alle gionture».
 E vu cossa dixeu
 care mie scarabazze,
190no gh’hoi bella fegura?
 Vardé che maestà, vardé che grazia!
 Certo no ve minchiono,
 propriamente son nata per el trono.
 
    Son nassua con tanta grazia
195che compagna no se dà,
 se camino son maestosa,
 se mi parlo son vezzosa,
 innamoro quando canto
 e co ballo ancora più.
 
200   Per averme in so consorte
 tutti i re farave guerra,
 no ghe xe sora la terra
 altra donna de sta sorte,
 valo assae più d’un Perù.