Lugrezia romana in Costantinopoli, Venezia, Valvasense, 1737

Vignetta Frontespizio
 SCENA IV
 
 MIRMICAINA, RUSCAMAR
 
 Mirmicaina
 Orsù l’aspetterò ma voglio intanto
 provar se saverò far da reggina.
 Voi sentarme un pochetto, oh che cussin
150morbido e molesin, fin che l’aspetto
 poderave quassù far un sonetto.
 Ruscamar
 Uhi Mirmicaina no me cognossir?
 Mirmicaina
 Cos’è sta Mirmicaina? Che maniera
 xe questa de parlar? Oe dime, avemio
155el cebibo magnà forsi in baretta?
 Ruscamar
 Perché star in favor de gran segnure
 aver tanta superbia? Ti star schiava
 come l’altre; mi t’aver ligada,
 mi aver cambià to nome; Mirmicaina
160adesso star ma prima star Fiorina.
 Mirmicaina
 Quel che xe stà xe stà. Mi son reggina.
 Ruscamar
 Via, se ti star reggina e mi aver gusto
 ma se po Albumazar
 te no volesse più,
165reccordete mia cara
 che mi te voler ben, che Ruscamar
 so cor per amor to sente brusar.
 
    Quel viso tondo
 star cusì caro
170che in tutto el mondo
 mai più veder.
 
    Star bianca e bella,
 occhio aver moro,
 come una stella
175tanto luser.